7 Apr 2018 - Sat -
今日又嚟1日遊3國, 朝早法國離開, 去比利時食個lunch, 然後再去荷蘭
聽落會覺得走馬看花, 去咁多個地方無意思, 但我地一樣咁enjoy到此一遊
§
§
§
Day 9 - 比利時布魯塞爾 → 大廣場 → 小英雄雕像 → 荷蘭阿姆斯特丹
都唔知坐左幾多個鐘車已經到左比利時喇
一嚟到已經比歌德式既建築物所吸引, 整條街都好有藝術色彩 😍
今日係星期六, 所以成個廣場都聚集好多人, 環境好靚好舒服
呢到就係大廣場, 位於布魯塞爾市中心
廣場四周被歌德式, 文藝復興, 路易十四式既建築所包圍
身後果幢就係市政廳, 係典型既歌德式建築
千祈唔好睇小呢個紅衣小便男, 佢係比利時既小英雄
當年法軍埋下大量炸彈, 點著導火線準備炸左整個布魯塞爾, 咁啱佢尿急, 又見到導火線
即刻向導火線屙尿淋熄左, 然後再叫醒瞓左覺既守軍, 咁就保衛左成個地方了
所以我地任何時候都唔可以睇小1個人既力量, 呢件事又教識我唔可以睇小一篤尿 😂
比利時出名朱古力, 我地特登留返D彈藥喺到買手信
比利時既泡芙同樣出名, 但因為我唔太鍾意甜食, 所以無興趣試, 但團友試過就激讚
比利時朱古力為人所熟悉就係Godiva, 可以打入世界各地可見唔簡單
山長水遠嚟到當然唔會買香港都有既品牌啦
我地選擇左local牌子放血, 佢地有得試食先買, 我地都唔知食左幾多朱古力了
呢間店舖既朱古力造型我真係唔識欣賞........非常之嘔心😔
今日喺1間中菜館食午餐, 港人開既餐廳, 食物水準有返咁上下
食飽附近行一陣
呢條痴漢想點 😒
又唔記得搭左幾多鐘頭車已經嚟到荷蘭喇
第1站去見識木屐 & 芝士廠, 呢部就係製造芝士既機器
所有芝士都要擺喺到風乾, 越短時間就係young cheese, 質地較軟
越耐就係old cheese, 質地較硬, 味亦較濃
荷蘭天氣清涼, 芝士絕對唔洗放雪櫃, 搽左層防腐劑喺面, 擺喺到風乾就OK
我問店員買左返去點保存, 佢話唔洗放雪櫃, 我心諗, 你太唔了解HK有幾熱了😂
咁大舊既cheese, 唔知要幾耐先食得晒呢 😃
好多款芝士任你試食, 食過先買就最穩陣
我地買左手上呢舊黑色 old cheese, 我鍾意食硬身cheese, 味道仲好香濃
計返港幣大概$7-80, 抵到爛呀
我而家煮意粉都係用佢, 我地喺巴黎買左一大支Salami, 配埋呢舊cheese簡直一流
同一間廠既另一邊做木屐, 呢個靚仔叔叔示範點做到隻屐咁, 丫...係點做屐姐
佢仲識多國語言1-2句咁啦, 好叻架喇
雖然好靚, 但肯定唔會買, 試著當買左啦
屐....全部都係屐
佢仲會即場幫你刻名, 夠晒Unique
跟住我地就去睇荷蘭最出名既風車屋, 周圍既環境寫意到你唔願走
荷蘭住呢間酒店可以話喺成個trip最prefect
間房又大, 又有大露台, 好舒服呀
仲要晚餐既buffet又多選擇又好好好好食
團友們食飽飽開心到周圍舉杯敬酒, 有個仲跳埋舞添, 大家都玩得好開心
所以跟團遇上好玩既團友真係錦上添花
留言
張貼留言