27 Jul 2018 - Fri -
Day 3 - 別府八大地獄 > 九重夢吊橋 > 阿蘇火山 > 酒店自助餐
之前都提過, 因為誇縣咁玩, 所以每日都要7點起身, 2位小可愛合埋眼咁同我講早晨 😁
好彩酒店包早餐唔洗周圍搵野食
3個之中得Liz最精神
今朝要去返原先plan尋日去既別府8大地獄
海地獄、山地獄、鬼石坊主地獄、かまど地獄、鬼山地獄、白池地獄位置相近
所以泊車後可先遊覽呢6個地獄, 之後再遊覽血の池地獄及龍巻地獄
每個地獄入場費400 yen, 買通票2000 yen, 如果去5個以上就一定係買通票抵
賣門票果個位就係海地獄, 8大之中最靚就係佢, 當然係必影啦
今日天氣已經好熱, 嚟睇呢D天然蒸氣將熱度double up, 大家都想快快影完相就彈開
但有佢2隻妹丁喺到你想快都幾難 😐 明明大哥chok緊, 點知呢個肥妹仔亂入😁
趕走左一個咩?? 另一個就補上 😂
我地要影呢張都已經唔知幾多個take先軀趕到佢地
當你以為大合照就無問題?? 少年, 你太年輕了!!
講解完動作後硬係有2個團友要望鏡頭
等到果2位團友唔望既時候, 偏偏又有另一個望鏡頭, 吹脹 😒
跟住就去鬼石坊主地獄
呢到既賣點係周圍都係滾燙既泥漿, 同埋出晒蒸氣既石頭, 企喺到蒸1個鐘應該可以瘦晒喇
每個地獄都有check point蓋章, 大家都用返本通票蓋印留念
去到每個地獄都各有特色, 水既顏色都各有不同
呢個鬼山地獄特別在有鱷魚
當然唔喺咁熱既池內啦, 溫度達99.1度, 實淥熟啦
佢地分佈晒喺唔同既籠內, 郁都唔郁我覺得係假既
呢個池最多, 有成幾十條, 但原來條條都係真架😣
佢地明明擘大口唔郁架嘛, 點知我望望下突然合埋個口行上岸, 嚇得我
咩事佢地要擘大晒個口又唔郁咁耐姐, 連隻眼珠都唔郁喎, 嚇鬼呀
呢個就係白池地獄, 池水呈乳白色, 掛住擺pose影相都無影到成個池水view添
話說我地喺機場影左張拖手相後, 2哥2嫂照抄pose呃like
咁我地今次出呢題, 要佢地照跟嚟影
出嚟既畫面真係笑到咀裂 😂
大哥向難度挑戰, 抱2個至愛之餘, 仲抱埋阿媽 😂
如果阿媽肯比阿爸抱, 效果仲好
當然大哥呢個壯舉係向2哥挑機啦 😂
2哥勇於挑戰, 佢好型咁話唔好煩, 1次過抱晒
佢既策略係抱2個仔女, 孭起老婆😆 成個過程笑到肚痛
結果係成功喇 🙆 勁呀~~
Crystal笑到個樣臉容扭曲 😂
最後一站就係去血池地獄喇~~~成個池富含氧化鐵的泉水, 十足十蕃茄湯底咁
咁特別既血池地獄當然要影返張特別既合照啦
成條人形蜈蚣咁添 😁
跟住我地就要往阿蘇出發, 途中會經過九重夢大吊橋, 當然唔會錯過呢個景點啦
\
點解只得9位團友?? 因為另外果2位團友驚, 唔敢行咁高既吊橋 😂
之後我地又要用2個鐘車程衝去阿蘇, 趕住搭直昇機睇阿蘇火山
日本D景點收1700 / 1730...實在太早呢!! 地方又大距離又遠, 好彩我地有2個車手喺到先趕得切
我地嚟到啱啱好趕得切搭直昇機, 如果唔係就白行一趟, 大家都會好失望呢
呢到收費大人5000yen (HKD350) 小朋友4500 yen (HKD315)
呢個價錢搭到直昇機算好抵喇
我地就係呢到等直昇機嚟接我地喇
我地起飛時超興奮呀, 咁大個女第一次搭直昇機咋, 仲要去睇火山喎
原來阿蘇火山既水既顏色係tiffanyblue...好靚呀...現場睇好震憾
講起嚟都算好彩....原來阿蘇火山成日都封山, 因為呢個火山好活躍, 不時噴好多硫磺出嚟
早幾日先封完, 唔好話搭直昇機, 連車都唔比上山
今次有得上山又趕到搭直昇機真係十萬個幸運呀 💞
紫昕唔知係咪搭直昇機high到傻左, 第2 round輪到佢爸媽Kobe搭時不停揮手say bye 😂
仲繼續默默地等待直昇機返嚟 😂😂 每個人搭親直昇機佢都係咁樣等待
我地見嫲嫲未玩過, 所以力勸嫲嫲試飛一次, 人一世物一世嘛, 一場嚟到點都飛下
2位妹丁玩上癮, 要求要飛多轉. 反正見嫲嫲都飛, 就比你2個玩多次啦
事實證明, 紫昕真係high大左, 興奮到落嚟都繼續飛 😂
超好玩既1日, 又完成左今日既行程喇
紫昕繼續自high中, 擺個pose都衰過人😆
回程時見到佛光呀....好感恩的一天
不過呢.....懇求佛陀繼續護持住我地返落山既行程, 因為我地上山時先發現就嚟無油呀 😂
所以我地落山時都唔敢開冷氣, 同埋叫爸媽坐8人車, 我地3個坐無油架5人車
有咩事都唔洗照顧佢2老, 我地必要時可能推車 😩
呼~~ 好彩最後都捱到去油站
今晚住阿蘇RESORT GRANDVRIO酒店, 1泊2食有溫泉浸, $1166/晚
喺全阿蘇嚟講已經係最平, 但間房比起別府果間細同舊好多呢~~
不過佢既自助晚餐真係一流, 食物款式唔算太多, 但質素都唔錯
重點在有大家最愛既長腳蟹, 當然愛蟹既Kobe喪食啦
留言
張貼留言