28 Jul 2018 - Sat -
Day 4 - 阿蘇 > 博多lunch > 送大哥一家去機場 > 海之中道海濱公園 > 天神屋台dinner
今朝喺阿蘇嘆埋個自助早餐後就準備駕2.5鐘頭車返博多
望住呢個view食早餐簡直一流
我依然都係逃不開坐大車既命運 😡
只因Liz講1句今日係佢last day, 所以想我同佢一架車!! 就因為呢句, 我都無拒絕既餘地喇~
今次捉返Kobe仔同我坐前面, 免得比2個家姐蝦, 慘慘豬
8-9歲既呢個時期已經開始玩埋堆, 排除異己, 唔肯同男仔玩喇
上網搵到呢間元祖拉麵店名氣唔記得第幾名 😆
呢間店舖好細, 突然間成棚人去搞到店主有D徬徨 😝 佢要求我地喺外面等候
可能因為颱風接近, 天氣好悶熱, 喺外面已經等到流晒汗
而日本人好有原則, 堅持要執好晒枱先肯比我地入去
好唔好食都已經評論唔到了, 因為在外面熱完一輪, 入到舖內冷氣亦唔夠, 所以一路食一路出汗
熱到個人都無心機, 無胃口了, 食不知其味
成棚人已經佔左人地3張枱, 我地都要快快食完走人
今次由大哥試下駕大車去機場, 感受一下佢地有幾嘈 😆
送完大哥一家去機場後本打算去門司港, 但由博多去門司港要1.5 hr
已經駕左2個幾鐘車, 唔想再去咁遠車程既地方了, 所以臨時改去海之中道
呢到真係超超超大.....好多野玩&睇....極度適宜帶小朋友去
但呢區考平衡力既遊戲唔係好啱我, 我一向平衡力極差 😩
本來仲諗住爸媽會覺得好悶....但估唔到媽玩得仲興奮過我 😐
連呢個望落咁小兒科既野我都可以每過一條繩都搖好耐, 平衡力差到一個點 😣
有時行行下前後腳會擘大左, 差D擘一字馬...好死驚
佢2個當然顛喪咁玩啦
又著錯衫, 又無紥頭髮, 又怕跌落水, 平衡力又差
我都係喺側邊撥下頭髮算喇 😁
呢個Kobe仲搞笑, 成個Spriderman咁
一向大膽既佢去到中間位過極都過唔到, 塞左喺到唔識郁 😂
當然....呢D情況唔洗旨意姑姐會救你啦, 自己都自身難保, 喺側邊影下相算喇~
結果係要姑丈救你, 但最搞笑係行行下Kobe好似無電咁, 死都唔郁 😂
最後要姑丈抱返落去...超搞笑
呢個遊戲看似簡單, 實則好難過, 連2哥玩完都話真係好難, 好考臂力
姑丈勢要向難度挑戰, 好懶玩
跟住就嚟到呢個特長滑梯
只怪我著左條裙, 有得睇無得玩 😭
就連我爸媽都玩左幾轉 😭
行行下又嚟到玫瑰園喇!!! 我要扮阿Belle喺到賞花, 同怪獸玩 😁
跟住嚟到動物區....昕乜鬼都驚....D袋鼠都無走埋嚟又要縮嚟縮去
但又要痴埋嚟影相喎 😒
我地扮緊黑猩猩 😂 Kobe個樣真係衰得好緊要
呢到可以比錢買糧食餵羊
Kobe無從入手....佢只諗到將D糧掉入去 (難度你覺得佢會好似D海豚咁飛撲咁食?)
草泥馬
我地太晏入嚟了, 日本D景點亦好早收, 好快已經比人禮貌地趕走 😆
呢個公園真係無敵大, 預成日玩都未必玩得晒
影完呢張合照後先發覺......無左Kobe
因為佢影相永遠都走到最前搶鏡, 但佢唔明以姑丈既高度selfie, 佢行到咁前係入唔到鏡 😂
呢個向日葵花園好多花, 朵朵都開得好大好靚, 身後果朵仲高過個人
今晚我地住Airbnb, 門口有2個車位, 慳返泊車錢
平時住Airbnb都係大廈既屋, 今次住成間house都係第一次
可以見識下日本人住既屋
一開門就見到樓梯, 昕勁鍾意又上又落, 好似Doraemon間屋咁喎
左邊有一間房, 再行前面就係沖涼房及雜物房
個設計好得意, 沖涼房就真係只係沖涼, 無得去洗手間架
呢間房有張BB床
樓上係客廳同飯廳, 都幾大架
睡房有3張床...最左邊果張應該有6呎
因為昕龍今晚要同我瞓, 張床都夠我地4人瞓
擺低晒行李後就去天神屋台開餐
喺呢到食野重點係唔好嗌少少野但坐好耐, 會比人黑臉架
但我地又想試多D檔口, 所以我地決定嗌幾樣野大家share, 速食速閃, 香港人慣架啦
當然我地嗌得少檔住都有D黑臉啦, 但唔理喇!! 你有你黑, 我地有我地食
呢檔既明太子玉子燒超好食....我地好想encore...但又廢事佢再次黑臉...所以都係算啦
呢幾條街有咁多檔, 點捨得一檔塞飽自己呀
但8個人都實在太難搵位, 被黑臉指數亦高出10倍
大家決定分頭行事, 各有各食
我地最後揀左呢檔.....因為貪佢有中文Menu....個老闆又識少少英文
爸隔離條友不停撩我地講野, 又同我地乾杯, 又叫我地嗌牛舌食
好彩大家都鍾意呢D地道風味既檔口食野
即叫即燒, 好好味呀
碗拉麵都好好食....成碗湯飲晒
如果再嚟福岡旅行....我地都會選擇嚟呢到開餐....純個人感覺...地道D好味D
留言
張貼留言