14 Dec 2018 - Fri -
見大哥之前推介呢間位於北角既滾得囍宮廷火鍋小炒講到無敵好食
仲要拍埋片睇到D黃金魚皮同埋黃金響鈴浸落湯後都仲好似薯片咁脆
今次既慶生活動就選址呢到啦
呢條友一嚟到就宣聖旨...內容大概封我為皇后...賜我黃金千萬兩...良田幾萬畝呢D粗野啦
湯底有13款選擇, 有酸菜魚鍋 / 四川麻辣 / 蜆鍋 / 胡椒蟹鍋 / 藥膳麻油雞 / 魚頭鍋等等
最後, 我地都係揀花膠雞湯底最啱細路&大人
佢地會先剪開花膠落鍋, 建議湯滾起後就食花膠飲雞湯先, 之後先打邊爐
咁熱辣辣既湯梗係要即刻飲啦!! 我地唔客氣喇!!
細佬徹底比家姐遮住左 😂 之後就鬧家姐
呢碟就係極之邪惡既黃金魚皮響鈴~~~ 非常之香既咸蛋黃, 就咁食都已經一流
浸埋落湯2秒依然脆到隔離房都聽到
每次影相都唔會正經, 硬係要樣衰衰先安落
今年送比佢地既聖誕禮物就係聖誕禮襪啦😁 我一拎咁大份野出嚟佢地簡直瘋狂咁興奮
預備呢份禮襪仲辛苦過買份玩具...入面有佢地喜愛既零食同埋各人既心頭好精品
睇住佢地逐樣一路攞出嚟 一路嘩嘩聲 一路話好鍾意 一路話正呀 果種興奮聲真係睇見都開心
你地大得太快喇!! 唔知仲有幾多年會想收姑姐送既禮物呢?
爺爺買左紥花送比壽星嫲嫲
呢3粒孫辦事不力....話明要遮住嫲嫲對眼入嚟架嘛!! 佢地完全忘記左 😐
母親大人生日快樂!! 希望妳身體健康, 日日夜夜時時刻刻都開心幸福💖
細佬最鍾意喺人地影相時亂入😂
時間過得好快, 我一度懷疑地球先生轉快左, 明明記得自己上個月先18歲之嘛
無論你地大得幾快, 長得幾高都好, 姑姐都係永遠永遠咁愛你地的💕
留言
張貼留言