29 Apr 2019 - Mon -
Day 3 - 函館朝市 → 五稜郭公園 → 函館山
之前已經target去函館朝市既茶夢食早餐, 但見到咁既場面真係嚇親
明明尋日成條街都無人, D人喺邊到湧出嚟架 😨
每間都排長龍, 無一例外
呢到每間餐廳都係食刺身飯, 既然食既野差唔多, 我地決定排人龍最短果間, 仲要分頭行事
結果呢間係最快當選
呢個朝市既餐廳果然係做慣遊客生意, 中文menu必備
排隊時我地已經諗定食咩, 所以二話不說就落單, 香港人真係好有效率既姐 😁
排左咁耐入到去坐發現好多吉位😐 6人枱如果坐左4人, 另外果2個位就唔會比人坐
呢D情況無乜可能在香港發生....做老細既寧願做多幾轉生意
做客人見到有位唔比入仲唔鬧爆咩😆
做客人見到有位唔比入仲唔鬧爆咩😆
老公依然都係食佢最愛既海膽配魚子, 氹左好耐叫佢食墨魚刺身都唔肯
而我就食拉麵, 呢個旅程我真係勁食拉麵, 有苦自己知 😡
1碗咁細既拉麵我都食唔晒, 無胃口到好討厭自己, 好彩有老公餐餐幫我包底 😍
食飽飽後行一陣朝市外圍, 買左哈蜜瓜同士多啤梨準備賞櫻時野餐
之後就去函館站附近買函館市電1日券, 只要搭到3程就抵晒
五稜郭公園係今日行程既主打, 亦可以講係成個北海道之旅既亮點
因為呢到D櫻花開得燦爛到嘆為觀止, 我個口長期O咀合唔埋
我地先上五稜郭塔欣賞左個全景先
呢個五稜郭公園春秋冬季都各有特色, 春天有櫻花, 秋天有紅葉, 冬天有雪景
點都要食返杯櫻花味雪糕應下景既, 有苦自己知既我只能食2啖 😢
跟住進入公園範圍喇!! 除左好好彩撞正櫻花滿開外, 仲要有超好既天氣先可襯托到絕美既櫻花
好多日本人都嚟到櫻花樹下食火鍋或者燒肉, 又有美景又有美食, 簡直寫意
勁想過去扮熟一齊食燒肉
勁想過去扮熟一齊食燒肉
我地揀左一個唔太多人既地方坐低, 細心欣賞漫天粉紅
點解我又咁似旅行青蛙既....😐
點解我又咁似旅行青蛙既....😐
當然唔少得自拍環節啦!! 2人世界既旅行帶腳架是常識吧!!
士多啤梨甜!! 哈蜜瓜甜!!! 呢對夫婦都好甜!!
最鍾意呢張, 好似post card咁
跟住我地返出去五稜郭塔入面食五島軒既咖哩飯
喺門外排隊時有得試食, 我好鍾意食日本咖哩, 甜甜地唔太辣
店內有英文menu
醒目的老公知我一定食唔晒, 所以叫1個餐先! 如果我食得晒先叫另一碟
結果當然如老公所料啦 😁 佢可以逃過食廚餘既下場
跟住我地搭市電到「十字街」站, 再轉纜車上函館山
呢到既環境好清幽, 好寧靜, 相信住喺到真係幾舒服, 唔知係咪有錢人住既地方呢??
上到嚟睇到整個函館既景色喇! 但多人到嚇一跳, 然後得啖笑~~
相信個個都係早D上到嚟霸定個靚位睇夜景
但太陽落山後真係好凍, 再加上喺山上再低幾度, 我同老公都唔夠衫! 真係好凍凍凍....
要等到個天全黑相信要企多1 hr! 頂唔順喇, 連平時暖笠笠既老公對手都冰凍, 我地決定放棄
無論你陣間幾靚都無用, 命仔緊要, 我已經凍到不停打冷震
搭返纜車落山後見到條人龍排纜車上山, 好浮誇呀!!
正當飢寒交逼....一心諗住衝去搭市電返函館站附近搵野食之際
突然一轉彎就見到有間食肆....我地完全係雙眼發光....好似茫茫大海中搵到個島一樣
唔洗諗....即刻衝入去....唔理好唔好食都要醫飽個肚取下暖先
呢間鋪頭少少簡陋, 但一入到嚟有暖氣呢下已經攝左我地魂魄, 非幫襯不可
好彩日本求其一間餐廳既拉麵都可以煮得好好食
我地一路食一路話正, 價錢仲要好平, 1碗麵大概$5x, 餃子都係around $30
食飽飽後我地就搭市電返酒店喇
因為買左一日券可以任搭, 我地先搭去總站, 然後再搭返松風町站返酒店
落車途經麥當勞, 今晚宵夜非佢莫屬
店員門都好努力以有限度既英文同我地溝通, 因為我要買麥樂雞, 但原來有好多款醬可以選擇
店員門都好努力以有限度既英文同我地溝通, 因為我要買麥樂雞, 但原來有好多款醬可以選擇
是晚宵夜極邪惡
留言
張貼留言