30 Apr 2019 - Tue -
Day 4 - 函館朝市 → 登別 → 溫泉街 → 地獄谷 → 瀧本酒店晚餐
函館3日2夜既行程就此結束, 陣間去埋朝市食早餐後就要暫別喇
今日我地去到朝市既外圍開餐, 但又係間間都排長龍, 分頭行事係必然既事
最後我排既呢間勝出, 當然都無揀錯, 食得好滿足啦 😉
最後一日喺函館, 點都要試函館名物 - 魷魚刺身
老公終於肯唔食魚子喇, 最後一日梗係試其他餸啦, 但海膽係主打
有人發達啦....獨吞3大隻肥美既蠔😋 (1000 yen =HKD70)
睇相唔覺咁大條魚(1500 yen=HKD106) , 嚟到都嚇親, 點食得晒呀
要搭2.5 hr車出發去登別喇!
頭先去函館朝市途中經過一間細細既雜貨舖, 好up耷, 唔起眼, 1個婆婆經營
我見佢賣D士多啤梨只係300 yen咋, 比起朝市內賣600yen平一半
雖然細粒左少少, 但都好鮮甜
瞓醒覺, 2.5hr後就到登別
登別站一出門口就喺呢個巴士站等接駁車去各大溫泉酒店, 班次好疏, 所以最好影低時間表
好lucky, 一出嚟就已經有巴士!
但亦可以話不幸,因為我無得影低時間表, 搞到回程時唔知時間而錯過班車
好lucky, 一出嚟就已經有巴士!
但亦可以話不幸,因為我無得影低時間表, 搞到回程時唔知時間而錯過班車
前面啡色矮果幢就係我地今晚住既瀧本酒店喇
一落巴士已經聞到超大陣尿壓味, 成個登別都充斥住硫磺味, 都幾臭
房間令人有D失望, 舊式2張單人床, 但勝在夠大, 乾淨企理
我book果陣大部份酒店都full晒喇, book到呢間$1300/晚包早晚餐算係咁了
今晚就同老公初試婚後第一次分床瞓啦
擺低行李後就去溫泉街行一陣, 呢間酒店位置勝在位於溫泉街
無論去地獄谷定熊牧場都可以行去, 唔洗搭車
溫泉街口途經閻魔堂, 內裡有閰羅王既變臉秀睇
本來都零興趣無計劃要睇, 但經過時個show仲有5 mins開始, 反正無野做就停低欣賞下
音樂響左好耐, 閻羅王塊臉只係升塊紅色鬼面具出嚟......😐😒 算係咩表演
其實溫泉街唔多鋪頭, 無乜野行, 百無聊賴去食個雞蛋布丁
跟住就行去地獄谷
今日天氣唔好, keep住落毛毛細雨, 好彩今日只係留喺登別無乜景點
返酒店瞓一陣先落去食晚餐~~ 呢個老公依然痴實個電視緊貼住平成最後一日既報導
~晚餐時間~
唔好睇自助餐形式好似好正咁, 實則D野食真係麻麻地
再加上我無乜胃口, 求其食少少野, 飲幾碗麵豉湯就算
呢晚落好大雨呀....好彩係酒店包晚餐...唔洗出去食
留言
張貼留言