1 May 2019 - Wed -
Day 5 - 登別熊牧場 → 札幌 → 串鳥居酒屋 → 狸小路商店街
今日行程好悠閒, 淨係去熊牧場就返札幌喇, 所以可以慢慢嘆下早餐先
有條友自從睇左日本個節目話食納豆好有益後就乜都要納豆, 但根本就係臭腳味 😵
我都廢事開名係邊個喇
今日在登別最後的景點 - 熊牧場, 距離酒店只係5-8 mins路程
慢慢行, 餵下熊人大概3 hrs就完成呢個行程
我地會坐呢D登山纜車上山
已經買定曲奇同零食餵熊熊喇
嘩~~~好多隻熊等緊我地餵呀! 唔知係咪因為天氣涼同埋空曠, 咁多隻熊都聞唔到臭味
有D就好努力企起身搶食, 有D就懶得郁, 你掉啱位置佢先比下臉擘大口食
呢隻醒呀, 埋唔到靚位就索性落水執死雞, 因為好多人都掉左落水池, 佢就漁熊得利
坐定定喺水池接就得...幾嘆
呢隻好活躍, 企上木架接野食, 高熊一等
跟住去另一邊再大隻D既熊區, 呢邊D熊就再懶D, 好似唔憂食咁
掉唔中佢個口就懶得執返嚟食, 益晒D烏鴉
近距離睇佢地真係好大隻架
跟住我地去睇熊人博物館同埋睇小熊仔
得喇! 知你似喇 😒 青山走犯...
小熊B好得意, 好好動, 周圍探索
仲有第1次睇既賽鴨😆 200 yen落注, 嬴左有個環保袋送
D鴨鴨扭下扭下個pat pat咁走好搞笑
完全無違和感, 爭D搵唔到邊個係佢😆
由於我無乜胃口, 所以唔想花費在外食lunch, 我地落返溫泉街既7-11買杯麵返酒店食
一風堂 vs 山頭火
我地2個一致認為山頭火大比數勝出, 無論湯底, 麵質, 甚至舊叉燒都勝一風堂一籌
回程返登別站時我有D失策, 因為上網搵極都搵唔到接駁車回程班次
離開酒店時架接駁巴士剛離開, 睇到站牌寫下班車要1個鐘後
因為我地第1日已劃左位搭2點幾既車返札幌, 如果1個鐘後先有車肯定趕唔切
情急之下老公遞左手截的士, 當下我有D驚, 因為日本搭的士好貴架嘛
上車前問清楚司機去登別站幾錢, 佢話大概1900 yen = HKD135
算吧! 豪一豪啦, 趕唔切班JR返札幌仲大鑊!
但原來只係我地溫泉街個站既班次疏D咋, 行遠D個站係半個鐘一班
仲有好多時間剩, 我也就周圍行下, 有條友見到呢D過馬路既閘就好興奮, 要chok住影相
仲要post上fb求有共鳴既人😒 D人有病就食藥啦, 唔好放棄治療
由登別返札幌需時1hr 13 mins, 嚟緊呢4日我地都係住呢間Hotel Clubby
由【扎幌站】行去要15 mins, 你亦可以搭2個站去【巴士中心站前】再行8 mins去酒店
除左外表好吸引外, 大堂都好有歐陸風, 好吸晴呀, 見到個門面令我好期待入住
呢間酒店真係好好好大, 有條長長既走廊, 好可惜我地住尾房 😆 晚晚行餐慒
好欣賞酒店採納自然光, 同埋走廊有乾花擺設, 整個感覺好舒服
日本出名D房細, 但呢間房完全意料之外的大, 雙人床可以3邊落床, 仲有餐卓椅, 空間感十足
浴室先無敵, 門口既左邊係一間好大既沐浴間, 晚晚行到咁攰可以坐喺張櫈仔到沖涼好舒服
右邊係坐廁及洗手盆....間浴室大過我間房呀
讚嘆完一輪後我地就去狸小路果邊食串鳥
北海道有好多間串鳥, 實有一間喺左梗
呢到亦都有中文menu架
食串燒配啤酒是常識吧
一坐低佢會送上1杯湯及蘿蔔蓉, 你可以加少少醬汁落蘿蔔蓉到食, 可以解油解膩
唔洗講, 日本食串燒當然平過香港好多啦, 平均都係$10/串, 所以我地可以好放心咁落單
食飽飽就行一陣狸小路, 去激安同藥房格下價先
呢條狸小路商店街好長, 由狸小路1行到7慢慢睇下野都超過2個鐘
我咁愛章魚燒嚟到札幌點可以唔食呀
不過如果想坐入店內就有最低消費要求, 每人要order 1客章魚燒+飲品
食到咁飽仲點可能每人食到8粒章魚燒呀, 所以我地當然外賣在門口食啦
唉~~ 有條友為平成及令和而瘋狂, 日日返到酒店就係睇電視, 緊貼住退位及登基既新聞
今日新皇登基了, 年號係令和, 相信呢條友追電視癮可以告一段落
今日新皇登基了, 年號係令和, 相信呢條友追電視癮可以告一段落
佢爭在未喺電視機前fing旗仔咋
留言
張貼留言