2 May 2019 - Thu -
Day 6 - 札幌 → 小樽手宮公園 → 小樽運河 → 札幌狸小路
今朝行去札幌站睇下食咩早餐好, 比我地發現有老麥呀
於是我地好一致咁話要食, 因為我地超愛薯餅 💕
日本老麥既早餐平過香港架, 杯鮮橙汁仲要大杯好多
不過佢杯橙汁原來加冰, 下次我要叫佢走冰先
不過佢杯橙汁原來加冰, 下次我要叫佢走冰先
因為陣間去小樽既景點都係賞櫻, 所以去商場食物部買定D糧餉
淨係卷物都咁多選擇....好吸引呢 😍
都話老公比電視節目塗毒左架啦, 乜鬼都要揀納豆!!
呢條友醒目呀....揀納豆咁絕.... 即係我無得分佢條卷囉 😒
途經八天堂, 香港無買過嚟食, 嚟到日本就試下期間限定口味啦!
一上車即刻開嚟食.....但我肯定唔會再買 😂
由札幌去小樽都只係32 mins車程, 有d人會選擇小樽玩2日1夜
但因為黃金週酒店短缺, book到札幌連續5晚酒店就唔轉喇, 都係即日來回算
結果呢個決定係無錯架, 我地好快已行完小樽, 比原定時間更早完成返札幌
今日行程第一站係嚟到呢個手宮公園賞櫻
今日天氣好差, keep住落雨, 心裏已打算失望而回
不過都無所謂既, 因為我喺函館已經遇上櫻花滿開, 同老公賞到1次櫻已心滿意足 😄
前往方法: 小樽站右前方搭乘往手宮巴士站【手宮ターミナル】既巴士, 下車行10 mins
點知行入D就見到呢個情景....好感動呀...我地又再次遇上櫻花滿開喇
每個地方櫻花開既時間都唔同, plan行程果時都只能儘量跟預算時間, 始終天氣既野好難估計
但估唔到D櫻花真係跟住我地plan既行程而盛開
雖然今日天氣唔好, 但都無損我地賞花既雅興
出奇地行兩行又變返好天, 果然天氣既野真係變幻莫測...好難捉摸呀 (家英哥腔)
呢棵櫻花真係大到嚇死你
之前喺東京都未見過咁大棵櫻花樹
之前喺東京都未見過咁大棵櫻花樹
櫻花配雪山, 呢到每個景靚到成幅畫咁
我可唔可以除左個背囊呢....😐
賞完櫻, 我地就落返小樽車站旁既三角市場放飯
呢個市場就等於香港街市既賣海鮮部, 一入到去已經好大陣腥味
呢個市場就等於香港街市既賣海鮮部, 一入到去已經好大陣腥味
呢個市場內既所有食肆都高朋滿座
原本打算喺呢間滝波食堂開餐, 但實在太多人, 目測有30人以上等位
再加上我真係胃口好差, 唔係好想食野, 所以我地決定放棄了
我地行落小樽運河, 睇下野先, 然後行到邊食到邊
由於天氣實在太凍, 室外氣溫得9度, 我地要入室內避下
順便去呢個小樽食堂搵野食
凍冰冰最好就係食拉麵, 亦都可以話今個trip只得拉麵啱我食
食飽飽就閒逛堺町通り, 1條街2旁有各式各樣既商店
因為張櫈好濕, 我叫佢無影櫈扮坐, 點知呢條友坐到好似急屎咁 😐
我地實在太凍太攰, 所以提早返札幌
估唔到呢餐晚餐有驚喜, 狸橫丁位於狸小路唔知幾號, 入面有唔同既食店, 好似food court咁
估唔到呢餐晚餐有驚喜, 狸橫丁位於狸小路唔知幾號, 入面有唔同既食店, 好似food court咁
我揀左呢間食蛋包炒麵
我覺得麻麻地
老公揀左一間食豚肉飯, 可以話係超超超好味, 連我無胃口都要食多幾啖
最後當然係老公幫我啃左個炒麵, 我食飯啦 😆
留言
張貼留言