3 May 2019 - Fri -
Day 7 - 二条市場到此一遊 → 白色戀人公園 → 圓山公園、北海道神宮 → 炎神 (狸小路)
本打算到二条市場食早餐, 但眼見間間食肆都係食魚生飯, 又無我份 😢
我有慫恿老公食的, 自己無得食唔好掃人興嘛
但佢話喺函館已經食左好多刺身, 而家唔食, 陪我食第二D, 我覺得老公好為我著想 😍
而家10點幾, 我地行左成條狸小路都未有鋪頭開, 咁唯有去食老麥啦
但原來10點幾老麥已無早餐架喇 😣 雖然午餐好多選擇, 但都係牛嚟既
我地問佢有冇雞或豬, 好艱難先搵到2個包無牛
今日第1個景點係白色戀人公園, 我只能夠話呢個景點係比旅行團攝時間
成車人車嚟買白之戀人, 食下雪糕然後走得, 都無野行既
歐陸式風格既公園, 可以留喺到扮下貴族影下相既, 不過超多強人
跟住我地就去圓山公園及北海道神宮, 去睇下仲有冇櫻花水尾睇
呢2個景點其實都係同一個地方
嚟到圓山公園真係好熱鬧呀, 見到好多日本人喺到食燒肉, 即刻想扮friend坐埋落去 😆
櫻花得返少少, 但無損佢地BBQ既雅興
路旁既鬱金香好靚, 仲要係我最愛既顏色
我地搵到1個位置欣賞僅餘既幾棵櫻花
之後就向北海道神宮方向行, 比我地發現原來沿路都有呢D小食檔
當然有我最愛既章魚丸啦, 雖然阿媽話唔可以食, 但我一於少理, 食左先算
經過一間寺廟, 廟後有棵好高好高既櫻花樹, 可幸嚟到札幌咁暖都仲有櫻花睇
原來再行入D, 成個公園都種左唔同品種既櫻花呀 😍, 我地再一次幸運地遇上櫻花滿開
估唔到連札幌既櫻花都比我地睇到, 呢次北海道賞櫻之旅圓滿喇
呢棵櫻花樹會唔會生得奇怪左D呢?
呢棵仲騎呢, 成串豬大腸咁既 😆
北海道神宮沿路D櫻花大部份已變成綠樹了, 造成1個鴛鴦既景象, 左綠右粉
呢條痴漢又發作, 見到呢D令和旗又要影, 有冇興奮得咁緊要呀?
到達北海道神宮了, 入到去有條長長人龍參拜祈福, 我地從旁問訊就離開
呢幾晚行狸小路都有好長既人龍等呢間拉麵, 難道真係咁好食?
難得今日未有人排, 距離開門只有10 mins, 我地當然唔執輸, 一於試下有咩咁吸引啦
排隊時search下有咩推介, 我地揀左鹽味同味噌味, 品嚐第一啖湯, 真係飛起咁滯
原來真係好好好好食架!! 呢間拉麵既味噌味非常出色, 湯底超濃厚
但鹽味反而稍為失色, 好清淡, 有別於其他既鹽味拉麵
食飽飽我地去左Tokyu Hands行下, 比老公搵到一點心靈慰藉 😚
佢完全覺得自己好纖瘦, 係矮左D囉 😆
留言
張貼留言