4 May 2019 - Sat -
Day 8 - 羊之丘展望台 → 啤酒博物館 → Lunch at 四季彩亭 → 酒店午睡 → Dinner at 串鳥
已經嚟到旅程既尾聲喇! 今日無乜行程, 瞓到自然醒先食早餐, 不過我地既自然醒係09:00 😆
無胃口既人特別麻煩, 今朝唯有早餐食杯麵 + 粟米湯
今日我地去羊之丘展望台, 其實呢個景點真係興趣不大, 不過又唔知去邊
呢到真係好大好舒服, 難怪咁多日本人假日都嚟呢到野餐
我地比一望無際既草地吸引左, 喺到玩無聊自拍, 有人較倒數10秒
但因為地方太大, 距離太遠, 所以跑到氣咳都唔成功 😆
跟住我地去左啤酒博物館
認識完北海道啤酒既歷史當然要嘆返杯啦
有人好想試晒3隻味, 但基於我無份飲既道理下, 我否決左佢既諗法 😎
雖然我超想, 但我無飲, 扮野咋
在啤酒內遇溺的痴漢
啤酒博物館門外有架巴士直達札幌, 唔洗搭JR轉嚟轉去舒服好多
突然好想食回轉壽司, google一下發現原來我地第1晚食拉麵果層有回轉壽司
呢到係電子點餐, 仲有中文睇, 唔怕雞同鴨講
好豐富, 好滿足~~
食回轉壽司最啱無胃口中既我, 食少少野但坐耐d都唔怕, 但又無礙隔離果個食野既心情
食飽飽後行一陣我地就返酒店瞓個靚覺, 因為連日嚟實在太攰了
瞓醒覺就去酒店附近既串鳥食串燒, 老公最鍾意食呢間, 佢一早已講左最尾果晚要食多次
5 May 2019 - Sun -
Day 9 - 札幌 → 香港
是日初一, 我地要食素, 但喺日本搵素食都唔容易
好難先可以喺1個商場搵到間有素食既飯糰
第1日到埗札幌駅時已留意到有呢間咖啡, 知道老公鍾意飲, 不停慫恿佢買嚟試下
因為北海道機場有個好大好大既商場, 所以我地早D入去行下, 順便最後入貨衝刺
因為我地坐Business class, 所以可以入候機室既lounge
ANA有Star Wars機, 老公見到好興奮, 眼定定咁望實
Bye....返香港lu...喺機上煲劇瞓覺lu...
留言
張貼留言