一般嚟講妊娠反應會在懷孕頭3個月發生，當然有人會在3個月後先有妊娠反應，呢D真係因人而異! 小東都算係咁，佢為我帶來既妊娠反應就只有攰，無胃口同埋小腿抽筋! 所有反胃同嘔都同我扯唔上關係!
記得頭1個月，未知小東已降臨時我已經成日都好攰好眼瞓! 晚晚食完飯就瞓覺，連東都問我係咪病，叫我唔好嚇佢 😂 就係唔知點解成日都好眼瞓 💤 因為我D M期好準，當due day無M come我就知bingo左，跟住就買支Clear Blue驗啦! 驗到有+後就解開到眼瞓呢個謎底了!
下一步做D咩呢?
當知道bingo後當然開心，但當日我忍住唔同老公開心share，因為我準備左封信夾埋支棒棒，想夜晚偷錄佢見到支棒既反應! 我仲想像緊佢會唔會見到枱面封信覺得好意外..好開心呢? 畢竟努力左幾個月既成果! 點知呢條友既反應我直情想兜巴星埋去😒
首先，我在房等左好耐...已經中眼瞓佢都未入嚟....原來條友在廳打機👊 等到我忟忟地出去嗌佢入嚟瞓! 跟住我拿拿臨set好部電話放喺窗台啦，呢條粉腸一入嚟就望到電話問我仲乜selfie，見到封信後就避開左個鏡頭😠 我要逼佢坐返去鏡頭前睇信，然後一路睇一路講無聊野破壞晒成個氣氛....勁嬲!! 一D開心既表現都無，都唔知佢係唔開心定唔識比反應!! 😒
幾時要去攞證明?
之前已經做左research，決定揀林兆強醫生做產檢，一嚟貪平啦，$500/次，二嚟佢都幾多好評，三嚟喺美麗華，方便我公司時間去唔洗請假!
Check到bingo果日我已經打電話去book，姑娘話最快都要7 weeks先照到! 好好彩，7 weeks時真係用超聲波就照到胎囊同聽到心跳! 因為呢樣野又係因人而異，有d人要用陰超先照到 (即係塞支野入去)，有D人可能要去到8-9 weeks先照到!
當醫生證實你懷孕就會出張證明，咁你就可以用呢張證明去政府排期做各方面既產檢同埋留位喇! 如果你想早D同公司講攞免死金牌，咁都係交呢張證明比公司! 我好老定，去到4個月先同公司講!
題外話：林醫生照之前同我講定陣間聽到BB心跳唔好太激動太興奮，真係聽到心跳時我係一D反應都無😂 剩係覺得原來咁嘈! 咁確定自己有左既情況下，我都好冷靜，無興奮感動既喜悅😝
北海道之旅要唔要取消呢?
Baby Kingdom會搵到好多資訊，有好多人問有左應唔應該去旅行! 有人覺得Why not? 有人覺得旅行幾時都有得去，但如果去左阿B有咩事就一世唔安落......當你越睇得多，你就會越忐忑。
最後決定權在自己手，無話應唔應該，好簡單1個道理，驚就唔去...唔驚咪去囉! 勇者無懼既我當然唔會擔心呢樣果樣啦，可能我本身唔係1個事事驚餐死既人，如果你係陀得唔穩，開頭就會有流啡/血既現象，咁呢D情況就唔好去喇! 因為你在外地有咩事搵醫院麻煩，同埋去玩都玩得唔開心，你會不停擔心唔知咩事! 但我觀察過自己都無呢D現象，問過醫生都話搭飛機完全無問題，同埋今次呢個trip係賞櫻為主，行程安排得輕鬆D就得! 當然有D辛苦老公，因為我唔方便拖喼，佢要1個人拖住個大喼囉! 😆
出發前我都一直留意住自己身體狀況，清明時我照常返東莞拜山，2日1夜既行程我都OK! 亦無任何不適，所以我都係會堅持去北海道的!
結果當然無事啦，違禁品我一樣有食，少少刺身 / 軟雪糕 / 冰水等等...食少少唔怕既! 適可而止就OK! 不過成個旅程既胃口麻麻，食唔到多野，同埋好攰好眼瞓，縱使係咁....我都日踩十幾個鐘....每日行到腳踎先返酒店! 有時都不得不佩服自己體力😎
有左就要專心休養?
我可以答你......我無!! 去完旅行返嚟無耐就係佛誕，一如以往繼續做義工，佛誕當日要擒高setup個booth，烈日當空下照全日當值，唯一唔同既係當日我無再飲凍野，去完日本返嚟後就乖乖戒口了! 而成個孕期我都係照常做義工至而家35週先停落嚟，其實只要自己小心D就得，驚呢樣果樣反而仲大壓力!
記得頭1個月，未知小東已降臨時我已經成日都好攰好眼瞓! 晚晚食完飯就瞓覺，連東都問我係咪病，叫我唔好嚇佢 😂 就係唔知點解成日都好眼瞓 💤 因為我D M期好準，當due day無M come我就知bingo左，跟住就買支Clear Blue驗啦! 驗到有+後就解開到眼瞓呢個謎底了!
下一步做D咩呢?
當知道bingo後當然開心，但當日我忍住唔同老公開心share，因為我準備左封信夾埋支棒棒，想夜晚偷錄佢見到支棒既反應! 我仲想像緊佢會唔會見到枱面封信覺得好意外..好開心呢? 畢竟努力左幾個月既成果! 點知呢條友既反應我直情想兜巴星埋去😒
首先，我在房等左好耐...已經中眼瞓佢都未入嚟....原來條友在廳打機👊 等到我忟忟地出去嗌佢入嚟瞓! 跟住我拿拿臨set好部電話放喺窗台啦，呢條粉腸一入嚟就望到電話問我仲乜selfie，見到封信後就避開左個鏡頭😠 我要逼佢坐返去鏡頭前睇信，然後一路睇一路講無聊野破壞晒成個氣氛....勁嬲!! 一D開心既表現都無，都唔知佢係唔開心定唔識比反應!! 😒
幾時要去攞證明?
之前已經做左research，決定揀林兆強醫生做產檢，一嚟貪平啦，$500/次，二嚟佢都幾多好評，三嚟喺美麗華，方便我公司時間去唔洗請假!
Check到bingo果日我已經打電話去book，姑娘話最快都要7 weeks先照到! 好好彩，7 weeks時真係用超聲波就照到胎囊同聽到心跳! 因為呢樣野又係因人而異，有d人要用陰超先照到 (即係塞支野入去)，有D人可能要去到8-9 weeks先照到!
當醫生證實你懷孕就會出張證明，咁你就可以用呢張證明去政府排期做各方面既產檢同埋留位喇! 如果你想早D同公司講攞免死金牌，咁都係交呢張證明比公司! 我好老定，去到4個月先同公司講!
題外話：林醫生照之前同我講定陣間聽到BB心跳唔好太激動太興奮，真係聽到心跳時我係一D反應都無😂 剩係覺得原來咁嘈! 咁確定自己有左既情況下，我都好冷靜，無興奮感動既喜悅😝
北海道之旅要唔要取消呢?
Baby Kingdom會搵到好多資訊，有好多人問有左應唔應該去旅行! 有人覺得Why not? 有人覺得旅行幾時都有得去，但如果去左阿B有咩事就一世唔安落......當你越睇得多，你就會越忐忑。
最後決定權在自己手，無話應唔應該，好簡單1個道理，驚就唔去...唔驚咪去囉! 勇者無懼既我當然唔會擔心呢樣果樣啦，可能我本身唔係1個事事驚餐死既人，如果你係陀得唔穩，開頭就會有流啡/血既現象，咁呢D情況就唔好去喇! 因為你在外地有咩事搵醫院麻煩，同埋去玩都玩得唔開心，你會不停擔心唔知咩事! 但我觀察過自己都無呢D現象，問過醫生都話搭飛機完全無問題，同埋今次呢個trip係賞櫻為主，行程安排得輕鬆D就得! 當然有D辛苦老公，因為我唔方便拖喼，佢要1個人拖住個大喼囉! 😆
出發前我都一直留意住自己身體狀況，清明時我照常返東莞拜山，2日1夜既行程我都OK! 亦無任何不適，所以我都係會堅持去北海道的!
結果當然無事啦，違禁品我一樣有食，少少刺身 / 軟雪糕 / 冰水等等...食少少唔怕既! 適可而止就OK! 不過成個旅程既胃口麻麻，食唔到多野，同埋好攰好眼瞓，縱使係咁....我都日踩十幾個鐘....每日行到腳踎先返酒店! 有時都不得不佩服自己體力😎
有左就要專心休養?
我可以答你......我無!! 去完旅行返嚟無耐就係佛誕，一如以往繼續做義工，佛誕當日要擒高setup個booth，烈日當空下照全日當值，唯一唔同既係當日我無再飲凍野，去完日本返嚟後就乖乖戒口了! 而成個孕期我都係照常做義工至而家35週先停落嚟，其實只要自己小心D就得，驚呢樣果樣反而仲大壓力!
留言
張貼留言