今日係老公生日，我地特登請假去海洋公園散下心
亦當作為我嚟緊要閉關既待產日子作最後衝刺
雖然今日危機處處，好多人都叫我唔好去，但我一向勇者無懼，照同老公去慶生
事實證明今日我去既地方都路路暢通.....與其聽人講埋D無謂野.....不如自己去體驗
由於已經陀到37週....個肚太大太重難免行得有D吃力
老公好細心咁陪我慢慢行下坐下....去水族館睇下魚睇下水母好治癒
今時今日我既身形已經拍得住後面隻海象了😢
阿B...媽媽為你犧牲太大了!! 希望你日後要孝順我地2老呀!
知道老公鍾意食中菜，呢間仲要係佢提及過好想再食多次的
今次生日就獎勵下作為準爸爸既佢啦....呢間沖菜位於山林道
食物水準超班....而我地亦好鍾意私房菜style
訂位時佢會whatsapp菜單比你
你只要話比佢知有咩唔鍾意或者唔食得，佢會幫你調整菜式
頭盤係蜜汁鳳尾魚
我超鍾意呢道菜，炸左既魚一D都唔油膩，超香口，仲甜甜地好開胃
檸檬葉炒甜粟
初初以為咁普通一碟粟米唔會特別得去邊
但我錯了....粟米炒得香甜之餘再配上檸檬葉完全係突破盲腸....超級好食
蜜汁鳳肝黑毛豬叉燒
呢碟係老公超期待既雞肝叉燒，自家製黑毛豬叉燒又香又稔
宋嫂魚羹
豆酥銀鱈魚
上湯津白浸魚腐
面頭既金華火腿完全係加分位
古法蔥油雞(半隻)
杏仁茶 & 腰果露
連埋甜品共8道菜，初初仲以為一定食淨好多
但每樣佳餚好味到幾乎碟碟清，只係食淨隻雞打包
8道菜2個人共$1200
價錢係貴左D.....但真係物有所值的
我地決定坐完個月身體回復狀態時一定要食多次
生日又點少得生日禮物呢
今年就送部電話比你啦.....等你幫我同仔仔影多D靚相
老公.....生日快樂! 永遠都咁愛你💕
留言
張貼留言